counter hit xanga
October 26, 2021

හිටපු අමාත්‍ය මංගල සමරවීර අභාවප්‍රාප්ත වේ

Last Updated on August 24, 2021 by Panduka Herath

හිටපු අමාත්‍යවරයකු වූ මංගල සමරවීර මහතා මීට ටික වේලාවකට පෙර අභාවප්‍රාප්ත වූ බව වෛද්‍ය ප්‍රියංකර ජයවර්ධන පවසනවා.

කොවිඩ් 19 වෛරසය ආසාදනය වීම හේතුවෙන් කොළඹ පෞද්ගලික රෝහලක දින ගණනාවක් ප්‍රතිකාර ලැබූ සමරවිර මහතා මියයන විට 65 වන වියේ පසු වුණා.

රෝහල්ට ඇතුළත් කරන අවස්තාවේ ඉතා ම අසාධ්‍ය තත්ත්වයේ පසු වූ හිටපු අමාත්‍යවරයා ප්‍රතිකාර ලබාදීමෙන් අනතුරු ව ක්‍රමයෙන් යහපත් අතට හැරුණු බවයි වෛද්‍ය ප්‍රියංකර ජයවර්ධන අප කළ විමසීමක දී කියා සිටියේ.

ක්‍රමයෙන් සුව අතට හැරෙමින් සිටි මංගල සමරවීර මහතාට ඊයේ දිනයේදීත් හෘදයාබාධයක් ඇති වූ බවත් එම තත්ත්වය කළමනාකරණය කර ගැනීමට රෝහල් කාර්ය මණ්ඩලය සහ තමන් කටයුතු කළ බවත් ඔහු වැඩි දුරටත් කියා සිටියා. කෙසේ වෙතත් මීට ටික වේලාවකට පෙර ඇති වූ හෘදයාබාධයක් හේතුවෙන් හිටපු අමාත්‍යවරයා සිය දිවි ගමනට සමු දුන්නා.