counter hit xanga
December 1, 2022

Putin Vs Biden. මුහුණට මුහුණ හමුවීම ජුනි 16දා!

Last Updated on May 29, 2021 by Panduka Herath

රුසියානු ජනාධිපති Vladimir Putin (ව්ලැඩිමීර් පුටින්) සහ එක්සත් ජනපද ජනාධිපති Joe Biden (ජෝ බයිඩන්) අතර පළමු පළමු මුහුණට මුහුණ හමුවීම ජුනි 16 වනදා ස්විට්සර්ලන්තයේ දී පැවැත්වේ. මෙම ද්විපාර්ශ්වික සමුළුව පවත්වන බවට ක්‍රෙම්ලිනය සහ ධවල මන්දිරය අගහරුවාදා තහවුරු කර තිබේ.

සම්ප‍්‍රදායිකව මධ්‍යස්ථ රටක් වන ස්විස්ටර්ලන්තය කිසිදු ප‍්‍රධාන හමුදා කණ්ඩායමක සාමාජිකයෙකු නොවිම මෙම හමුව සම්බන්ධයෙන් ජාත්‍යන්තර අවධානය යොමු කිරිමට ප්‍රබලම හේතුවක් වේ.

“ජනාධිපති බයිඩන් 2021 ජුනි 16 වන දින ස්විට්සර්ලන්තයේ ජිනීවා නුවරදී ජනාධිපති පුටින් හමුවනු ඇත” “එක්සත් ජනපද – රුසියාව අතර සම්බන්ධතාවයේ පුරෝකථනය සහ ස්ථාවරත්වය යථා තත්ත්වයට පත් කිරීමට අප උත්සාහ කරන බැවින්, නායකයින් විසින් දැවෙන ගැටළු පිළිබඳ සම්පූර්ණ පරාසය සාකච්ඡා කරනු ඇත””.- ධවල මන්දිර ප‍්‍රකාශ

රුසියානු – ඇමරිකානු සබඳතාවල වර්තමාන තත්ත්වය සහ ඒවායේ වැඩිදුර සංවර්ධනය, ජාත්‍යන්තර න්‍යාය පත‍්‍රයේ උපායමාර්ගික ස්ථාවරත්වය, Covid – 19 වසංගතයට එරෙහි සටනේ සහයෝගීතාවය සහ කලාපීය ගැටුම් සමථයකට පත් කිරීම ඇතුළුව මාතෘකා මෙහිදී සාකච්ඡා කිරිමට නියමිතයි.

මේ අතර ක්‍රෙම්ලිනය සදහන් කර ඇත්තේ “රුසියානු-ඇමරිකානු සබඳතා තවදුරටත් වර්ධනය වීමේ අපේක්ෂාව, උපායමාර්ගික ස්ථායිතාවයේ ගැටලු මෙන්ම ජාත්‍යන්තර න්‍යාය පත්‍රයේ මාතෘකා, කිරීටක වෛරසයට එරෙහි සටනේ අන්තර්ක්‍රියාකාරිත්වය ඇතුළු සාකච්ඡා කිරීමට අපි අදහස් කරන බවයි.