මැතිවරණ කොමිසමේ සාමාජිකයින්ට වැඩ වරදීද?

Last Updated on January 7, 2023 by Desman Chathuranga

පළාත් පාලන මැතිවරණයේ නාම යෝජනා කැඳවීමේ දී නිවැරදි නීතිමය ක්‍රමවේද මැතිවරණ කොමිසම අනුගමනය කර නොමැතිනම් මැතිවරණය වෙනුවෙන් දේශපාලන පක්ෂ හා ස්වාධීන කණ්ඩායම් තැන්පත් කරන ලද ඇප මුදල් කොමිසමේ සාමාජිකයන්ට පෞද්ගලික මුදලින් ගෙවීමට සිදු වන බව නීති විශාරදයින් ආණ්ඩුවට දැනුම් දී තිබේ.

මැතිවරණ කොමිසමේ සභාපති ඇතුළු සාමාජිකයන් ජනාධිපති රනිල් වික්‍රමසිංහ මහතා ඉකුත් බ්‍රහස්පතින්දා (05) හමු වූ අවස්ථාවේදී ජනාධිපතිවරයා ද මේ ගැන ඔවුන්ගෙන් විමසා ඇත.

මැතිවරණයට අදාලව නාම යෝජනා කැඳවීමට ප්‍රථම මැතිවරණ කොමිසම මගින් අදාළ සියලු පාර්ශව කැදවා සාකච්ඡා කළ යුතුව ඇත. තේරිම් භාර නිලධාරීන්, සහකාර මැතිවරණ කොමසාරිස්වරුන්, ප්‍රාදේශීය ලේකම්වරුන්, පොලීසිය ඇතුළු ආරක්ෂක අංශ කැඳවා සාකච්ඡා කිරීමකින් තොරව මැතිවරණයට අදාළ කිසිදු නිවේදනයක් නිකුත් කළ නොහැකි බව නීති විශාරදයන් ප්‍රකාශ කළ බවයි වාර්තා වන්නේ .