counter hit xanga

වීරයෙකු නොව කලිසම තෙමාගත් ළදරුවෙකු දුටිමි!

Last Updated on April 27, 2021 by Panduka Herath

හරීන් ඇතුලු යහපාලන නඩය පාස්කු ප්‍රහාරය යට ගහන්නට උපක්‍රම යෙදුවා මිසක මහ මොළකරුවෙකු සෙවීමට සිය පාලන කාලය තුල කටයුයිජි නොකල බව දේශප්‍රේමි එක්සත් ජාතික පක්ෂයේ ප්‍රධාන ලේකම් සුගත් හේවාපතිරණ මහතා පවසයි.

අපරාධ පරීක්ෂණ දෙපාර්තමේන්තුවට පැමිණ කටඋත්තරයක් දෙන්නැයි දැනුම් දීමත් සමග හරීන් ප්‍රනාන්දු මන්ත්‍රීවරයා පෞද්ගලික රෝහලක සැඟව සිටින බවට චෝදනා කරමින් දේශප්‍රේමි එක්සත් ජාතික පක්ෂය අපරාධ පරික්ෂණ දෙපාර්තමේන්තුවට ඊයේ (26) පැමිණිල්ලක් කර සිටියා. පැමිණිල්ල භාරදිමෙන් පසුව් මාධ්‍ය හමුවේ ඒ මහතා කියා සිටියේ මහ මොළකරු සෙවිම වෙනුවට තුන් සියයක් මැරුණු විට “ගියදේ ගියාවේ” කියමින් සිනාසිසී ප්‍රවෘත්ති සාකච්ඡා තිබ්බේ වත්තල ජෝන් ලා සහ බේරුවල රාජිතලා බවයි.

අපරාධ පරීක්ෂණ දෙපාර්තමේන්තුවට කැඳවීමට පෙරදින පර්ලිමේන්තුවේ ජවසම්පන්න නිරෝගී පුද්ගලයකු ලෙස හැසිරුණු හරීන් ප්‍රනාන්දු මන්ත්‍රීවරයා සැනෙකින් පෞද්ගලික රෝහලක දැඩි සත්කාර ඒකකයකට ඇතුළුවුයේ කෙසේදැයි රටට ප්‍රශ්නයක් යැයි ද දේශප්‍රේමි එක්සත් ජාතික පක්ෂයේ ප්‍රධාන ලේකම් සුගත් හේවාපතිරණ මහතා සිය පැමිණිල්ල මගින් පෙන්වා දි තිබේ.

දේශප්‍රේමි එක්සත් ජාතික පක්ෂයේ ප්‍රධාන ලේකම් සුගත් හේවාපතිරණ මහතා

පාස්කු ප්‍රහාරය සිදු නොවිය යුත්තක්ව තිබුණි. එහෙත් එය සිදුවිය. වගකිව යුත්තෝද දැන දැනම එය සිදුවු බව නොරහසකි. එවකට ආරක්ෂක ලේකම් හේමසිරි කිව්වේ ” ප්‍රහාරයක් ගැන දැනගෙන හිටියත් මෙච්චර ලොකු දෙයක් වේයැ’යි නොසිතූ බවයි. එදා ජනපති සිංගප්පූරුවේය. අගමැති නුවර එලියේය. හරීන්ද හිටියේ ගෙදරය.ඒ හරීන්ගෙ තාත්තා දුන් ඹත්තූව නිසාය.

අද මහමොලකරු කවුදැයි හරීන් අපෙන් අසයි. එය ඇසිය යුත්තේ අපෙන් නොවේ. ඇසිය යුතුව තිබුණේ ඹහුගේම තාත්තා ගෙනි. මන්ද හරීන්ටත් ඹත්තූව දුන්නේ ඹහුගේම තාත්තා නිසාවෙනි.ඒත් හරීන් එහෙම කලේ නැත. තාත්තා සුරලොව යන තෙක්ම එහෙම කලේ නැත.යහපාලන ආණ්ඩුව කටයුතු කලෙත් හරීන් වාගේමය. ප්‍රහාරය සිදුවූයේ අප්‍රේල් විසි එකය. යහපාලනය තොලොන්ජීවූයේ නොවැම්බර් දහ නවවෙනිදාය. මහ මොළකරු හොයන්නට මාස හත අටක් තිබුණි.

සිද්ධිය යට ගහන්නට උපක්‍රම යෙදුවා මිසක මහ මොළකරුවෙකු නම් සෙව්වේ නැත. තුන් සියයක් මැරුණු විට “ගියදේ ගියාවේ” කියමින් සිනාසිසී ප්‍රවෘත්ති සාකච්ඡා තිබ්බේ වත්තල ජෝන් ලාය. බේරුවල රාජිතලාය.ගස් නැති කැලේ තුත්තිරි ගස්ද මහා වෘක්ෂයන්ය.

අද විපක්ෂයද එහෙමය. පරිණත බුද්ධිමත් නායකයන් විපක්ෂයේ නැත.මාලුන් නැති සාගරයේ ගප්පි පැටව් තමන් තෝරූ මෝරු යැයි සිතති.
අද පාර්ලිමේන්තුවේ චන්ඩියා වීමට දගලන් නෙ හරීන්ය. රා කඩෙන් රා බී වෙරිවූවාසේ පාර්ලිමේන්තු වේ තිත්ත කුණුහරුප කියන්නේ පාර්ලිමේන්තුවත් තාත්තාගේ “සමාරා” හෝටලය වගේ යැයි සිතාගෙන විය යුතුය.

“සර් ෆේල්” කිව්වේද හරීන්ය. පණ බයේ පොලිසි දිව්වේද හරීන් ය. අගරදගුරු හිමියන්ට තරවටු කලේද හරීන් ය.පසුව සමාව ගත්තේද හරීන් ය. බදුල්ලේ බලාපොරොත්තුව වූයේද හරීන් ය.බලාපොරොත්තු බින්දේද හරීන් ය. ගූගල් බැලුම් උඩයැව්වේද හරීන් ය. බැලුමටත් කලින් බිමට වැටුනේ ද හරීන් ය.

කිසිවෙකුට තම වරප්‍රසාදයන්ට මුවාවි වීරයන් විය නොහැක. වීරයන් ගොඩනැගෙන්නේ ජනතාවගේ හදවත්වලය. ඒ සෑබෑ වීරවරයෝය.සැබෑ වීරයා හා කාඩ් බෝඩ් වීරයන් අතර වෙනස ජනතාව හදුනාගන්නෙ සිදුවන සිද්ධි සමුදායන් අතරය. පොලීසියෙන් සොයනවිට අතින් ගෙවා රොහල්ගතවන්නේ වීරයන් නොව සෙවලයන්ය. මහා වීරයන් කලීසම තෙමා ගන්නා ලදරුවන් බව ජනතාව තේරුම් ගන්නේ විරයන් ලෙස පෙනී සිටින නිවටයන්ගේම ක්‍රියා කලාපය නිසාමය.