counter hit xanga
February 5, 2023

විසිල් එපා! බල්ටි එපා! වාහන වලට කැබිනට් අවසර නෑ!

Last Updated on June 16, 2021 by Desman Chathuranga

පාර්ලිමේන්තු මන්ත්‍රීවරුන් සඳහා අලුතින් වාහන ගෙවන්නේ නැති බව කෘෂිකර්ම අමාත්‍ය මහින්දානන්ද අලුත්ගමගේ මහතා වගකීමෙන් ප්‍රකාශ කර සිටි.

ඇතැම් දේශපාලඥයන් සහ මාධ්‍ය වාර්තා කුමක් කීවද මන්ත්‍රීවරුන්ට වාහන ගෙන්වීම සඳහා ණයවර ලිපි නිකුත් කිරීමට කැබිනට් අනුමැතිය ලබාදී නැති බවද ඔහු සදහන් කළා.

මන්ත්‍රීවරුන් 225 දෙනාට වාහන ගෙන්වීමට කටයුතු කරන්නැයි විවිධ පාර්ශවවලින් කතානායකවරයාට ඉල්ලීම් ලැබුණු බවත් ඊට පසු එම වැඩපිළිවෙල ක්‍රියාත්මක වෙමින් කැබිනට් මණ්ඩලයට පැමිණි අවස්ථාවේදී එය නතර කල බවයි අමාත්‍යවරයා අනාවරණය කළේ.

අදාළ අංශ ණයවර ලිපි විවෘත කළේ ගිලන් රථ ඇතුළු අනෙකුත් වාහන ගෙන්වීම සඳහා පමණක් බවද ඔහු සදහන් කරනවා.

“කවුරුත් මේ වෙලාවේ විසිල් ගහන්න බල්ටි ගහන අවශ්‍ය නැහැ.මම වගකීමෙන් කියනවා.මන්ත්‍රීවරුන්ට වාහන ගෙන්වන්නේ නැහැ. මෙයාලා අද මේ කතා කරන්නේ හාබර් එකට Jeep ටික ඇවිල්ල තියෙන ගාණටයි .තව Jeep ටික ජපානයෙන් දාලත් නැහැ .Jeepටික හදලත් නැහැ .ඒ නිසා කලබල වෙන්න එපා .”