2024 යල කන්නයට අදාළව ගංවතුර, නියඟ සහ වල් අලි උවදුරු මගින් සිදුවූ වගා හානිවලට අදාළ සියලු වන්දි මුදල් ලබන ජනවාරි 5 වන දාට පෙර ගෙවා අවසන් කිරීමට කටයුතු කරන බව රජය පවසයි.
2024 මාර්තු මස සිට ඔක්තෝම්බර් කාලය දක්වා ම යල කන්නයට අදාළව විවිධ හේතුන් මත, වී වගාව ඇතුළු අනෙකුත් වගාවන් විනාශ විමට ලක් වූ අතර විශේෂයෙන් ම නියඟ, ගංවතුර ආදී තත්ත්වයන් සහ වල් අලි හානි විශේෂයෙන් සලකා බලා ඇත.
මේ වන විට 80%කට ආසන්න ගොවීන් ප්‍රමාණයකට මුදලක් ගෙවීමට කටයුතු කර ඇති අතර ඉතිරි ගොවීන් සියලු දෙනාට ම ජනවාරි 5 වනවිට අදාළ වන්දි මුදල් ගෙවීමට කටයුතු බව රජය පැවසීය.
වන්දි මුදල් ප්‍රවේශම් සහිතව හා විනිවිද ගෙවීමට කටයුතු සලසා ඇති අතර එම වන්දි මුදල සෘජුව ම ගොවියාගේ බැංකු ගිණුමට බැර කිරීමට කටයුතු කර ඇත.
2024/2025 මහ කන්නයට අදාළ වන්දි මුදල් පෙබරවාරි මාසයේ මුල වනවිට ගෙවීමට ද කටයුතු යොදා තිබේ.