ශ්‍රී ලංකාවට පැමිනෙන අගමැති Narendra Modi (නරේන්ද්‍ර මෝදි) සහ ශ්‍රි ලංකා ජනාධිපති අනුර දිසානායක අතර ප්‍රථම වතාවට ප්‍රධාන ආරක්ෂක සහයෝගීතා ගිවිසුමකට අත්සන් කිරීමට නියමිත බව අනාවරණය වේ. එම ගිවිසුම චීනය ශ්‍රි ලංකාව කෙරෙහි තම මිලිටරි බලපෑම වැඩි කිරීමට දරන නොනවතින උත්සාහයන්ට එරෙහිව ගන්නා පියවරක් බව ඉන්දීය අභ්‍යන්තර ආරංචි මාර්ග සදහන් කරනවා.
මිට අමතරව අප්‍රේල් 5 වන දින කොළඹදී මෝඩි සහ ශ්‍රී ලංකා ජනාධිපති අනුර කුමාර දිසානායක අතර පැවැත්වෙන සාකච්ඡාවලින් පසුව, ශ්‍රී ලංකාවේ ණය ප්‍රතිව්‍යුහගත කිරීම පිළිබඳ ගිවිසුමක් ඇතුළුව තවත් ද්විපාර්ශ්වික ගිවිසුම් රාශියක් තහවුරු කිරීමට ද දෙපාර්ශ්වයම ඉඩ ඇත.
සිය ද්වි-ජාතික සංචාරයේ දෙවන සහ අවසාන අදියරේදී, තායිලන්ත සංචාරය අවසන් කිරීමෙන් පසු තෙදින සංචාරයක් සඳහා මෝදි අප්‍රේල් 4 වන දින සවස ශ්‍රී ලංකාවට පැමිණෙනු ඇත.මෝදි අවසන් වරට ශ්‍රී ලංකාවට පැමිණියේ 2019 දී ය.
ඊයේ (28) සිකුරාදා පැවති මාධ්‍ය හමුවකදී ඉන්දිය විදේශ ලේකම් Vikram Misri (වික්‍රම් මිස්රි) පැවසුවේ ආරක්ෂක සහයෝගීතාව පිළිබඳ අවබෝධතා ගිවිසුමක් (අවබෝධතා ගිවිසුමක්) අත්සන් කිරීමට අපේක්ෂා කරන බවත් එය දෙරට අතර පළමු වරට අත්සන් කරන බවත්ය.
කෙසේවෙතත් විදේශ ලේකම් Vikram Misri ගෙන් අදාළ ගිවිසුම සම්බන්ධයෙන් මාධ්‍ය කල විමසිමකදි ඔහු සදහන් කළේ යෝජිත ආරක්ෂක ගිවිසුම පිළිබඳ සියුම් තොරතුරු වහාම ලබා ගත නොහැකි නමුත් ඉන්දියානු සාගර කලාපයේ චීනයේ පැවැත්ම වැඩි වන පසුබිමට එරෙහිව ද්විපාර්ශ්වික ආරක්ෂක කටයුතු වැඩි දියුණු කරනු ඇතැයි අපේක්ෂා කරන බවයි.
“ආරක්ෂක සහයෝගීතාව පිළිබඳ අවබෝධතා ගිවිසුම අත්සන් කළහොත්, ඉන්දියාව සහ ශ්‍රී ලංකාව අතර ආරක්ෂක ක්ෂේත්‍රයේ ප්‍රධාන දියුණුවක් පෙන්නුම් කරනු ඇත. මීට වසර 35 කට පමණ පෙර ඉන්දියාව ඉන්දීය සාම සාධක හමුදාව (IPKF) දිවයිනෙන් ඉවත් කර ගැනීම සම්බන්ධ කටුක පරිච්ඡේදය අතහැර දමයි.” – වික්‍රම් මිස්රි
ජන අරගල සන්ධායේ ජන හමුවක් අමතමින් වසන්ත මුදලිගේද මෙම ගිවිසුම සම්බන්ධයෙන් අනාවරණය කළා.
“අප්‍රේල් 4 වෙනිදා ඉන්දියානු අගමැති මෝදි ලංකාවට එන්න නියමිතයි. ඔහු එන එක කාරණයක් තමයි සාම්පූර් විදුලි බලාගාරයට මුල්ගල් තැබීම. හැබැයි මෙතනදි ආණ්ඩුව ජනතාවගෙන් හංගන කාරණයක් තියනවා. ඉන්දියානු පුවත්පත් වාර්තා කරන විදිහට මෝදි ලංකාවේ ආණ්ඩුව සමග ගිවිසුම් 6ක් අත්සන් කරන්න බලාපොරොත්තුවෙන් ඉන්නවා. නමුත් ලංකාවේ ආණ්ඩුව තවමත් මේ ගිවිසුම් ගැන රටට හෙළිකරලා නෑ.
“ඉන්දියානු අගමැතිවරයා සහා ලංකාවේ ජනාධිපතිවරයා ආරක්ෂක යුධ ගිවිසුමක් අත්සන් කරන්න සූදානම් වෙනවා කියලා. ඒ වාර්තාවට අනුව මේ ගිවිසුම අත්සන් කරන්නේ “චීනයේ වර්ධනය වන මිලිටරි බලපෑමට එරෙහිව සටන් කිරීම” අරමුණු කරගෙනලු. මේක පැහැදිලිවම ලංකාවත් ලෝකයේ දැන් පවතින යුධ ආතතියට ඇතුල් කිරීමක් වගේම දිගුකාලින් උගුලකට ඇතුල් කිරීමක්. කවුද ආණ්ඩුවට ඒකට බලය දුන්නේ. ජනතාව ඒවට බලය දුන්නේ නෑ.”
විදේශ ලේකම් Vikram Misri
“ශ්‍රී ලංකාව අපගේ ‘අසල්වැසියා පළමුව’ ප්‍රතිපත්තියේ අනිවාර්ය අංගයක් වන අතර අන්‍යෝන්‍ය විශ්වාසය සහ හොඳ හිත මත පදනම් වූ සම්බන්ධතාවය, කාලයේ පරීක්ෂණයට ලක්ව ඇත,” -මිස්රි
මෝඩි සහ දිසානායක ඉන්දියාවේ සහාය ඇතිව එම රටේ ඉදිකරමින් පවතින ව්‍යාපෘති කිහිපයක් සම්බන්ධයෙන් එකඟතා ඇතිකරගනු ඇති බවත් ඒ අතර බලශක්ති සම්බන්ධතාවය, ඩිජිටල්කරණය, සෞඛ්‍ය සහ බහු-ආංශික ප්‍රදාන ආධාර සම්බන්ධ අවබෝධතා ගිවිසුම් කිහිපයක් හුවමාරු කර ගැනීමට ද අපි කටයුතු කරන බව මිස්රි පැවසීය.
මෝදිගේ සංචාරය ආයෝජන ප්‍රවර්ධනය කිරීම සහ සම්බන්ධතාවය ගැඹුරු කිරීම කෙරෙහි අවධානය යොමු කරනු ඇත – භෞතික සම්බන්ධතාවය, ඩිජිටල් සම්බන්ධතාවය, බලශක්ති සම්බන්ධතාවය සහ විවිධ ක්ෂේත්‍රවල සහයෝගීතාව ඉහළ නැංවීම බව ඔහු පැවසීය.
මහත් මතබේදයකට මුහුණ දුන් සාම්පූර් සූර්ය බලශක්ති ව්‍යාපෘතියේ අතථ්‍ය මුල්ගල් තැබීම ද නායකයින් දෙදෙනා අතින් සිදුවනු ඇත.
මේ අතර පසුගිය (21) දින ජනාධිපති ලේකම් කාර්යාලයේදී එක්සත් ජනපද ඉන්දු-පැසිෆික් විධානයේ (INDOPACOM) අණදෙන නිලධාරි අද්මිරාල් සැමුවෙල් ජේ. පපාරෝ (Samuel Paparo) ශ්‍රි ලංකා ජනාධිපතිවරයා මුණගැසුනා. ඒ ශ්‍රී ලංකාවේ ඇමරිකානු තානාපතිනි ජූලි චන්ග් (Julie Chung)ද සමගයි.
ඉන්දියානු සාගර කලාපයේ ආරක්ෂාව තහවුරු කරමින් සාමකාමී ඉන්දියානු සාගර කලාපයක් පවත්වා ගෙන යාමට ශ්‍රී ලංකාව ලබා දෙන සහාය මෙන්ම ශ්‍රී ලංකාව සහ එක්සත් ජනපදය අතර පවතින ශක්තිමත් සබඳතා අඛණ්ඩව පවත්වා ගෙන යාම පිළිබඳවද මෙහිදි සාකච්ඡා වු බවයි ජනාධිපති මාධ්‍ය එකකය සදහන් කළේ.