දිසානායකගේ චීන සංචාරය ඉන්දීයාව ඉතාම සමීපව නිරීක්ෂණය කරමින් සිටින බව ඉන්දීය විශේෂ නියෝජිතයෙකු අනාවරණය කළා. ඉන්දීය මාධ්‍යද ඒ සම්බන්ධයෙන් ඉතාම අවධානයෙන් සිටින බවයි ඔහු සදහන් කළේ.
“ඉන්දියාවෙන් පසු, ශ්‍රී ලංකා ජනාධිපතිවරයා ප්‍රධාන රාජ්‍ය තාන්ත්‍රික සාකච්ඡා සඳහා චීනයට යයි” – ඉන්දියානු රූපවාහිනී නාලිකාවක් වන NDTV
2024 දෙසැම්බර් මාසයේදී ශ්‍රී ලංකා ජනාධිපති අනුර කුමාර දිසානායකගේ ඉන්දීය සංචාරය අතරතුර, සමහර ඉන්දීය මාධ්‍ය ආයතන ඉන්දියා-ශ්‍රී ලංකා සබඳතාවලින් අවධානය වෙනතකට යොමු කර චීනය සහ ශ්‍රී ලංකාව අතර අසමගිය වැපිරීමට උත්සාහ කළ බව නොරහසකී.
ශ්‍රී ලංකා ජනාධිපති අනුර කුමාර දිසානායක අඟහරුවාදා චීනයේ සිව් දින රාජ්‍ය සංචාරයක් ආරම්භ කළ අතර බලයට පත්වීමෙන් පසු ජනාධිපතිවරයාගේ පළමු චීන සංචාරය මෙය වේ.
න්‍යාය පත්‍රයට අනුව තාක්ෂණය, කෘෂිකර්මාන්තය සහ දරිද්‍රතාවය පිටුදැකීම වැනි ප්‍රධාන අවධානය යොමු කළ හැකි ක්ෂේත්‍ර ඇතුළත්ව තිබුනද චීනය සහ ශ්‍රී ලංකාව යටිතල පහසුකම් ඉදිකිරීම් සහ කෘෂිකර්මාන්තයේ සාම්ප්‍රදායික සහයෝගීතාව ප්‍රවර්ධනය කරන නමුත්, සංචාරක කර්මාන්තය, බෙල්ට් ඇන්ඩ් රෝඩ් මුලපිරීම යටතේ වරාය නගර සංවර්ධනය සහ ධීවර කටයුතු සඳහා සහයෝගීතාවයට විශාල ඉඩක් ඇති eCast වෙත වාර්තා වේ.
දෙරටේ ජනතාවට වැඩි ප්‍රතිලාභ ලබා දීම සඳහා විවිධ ක්ෂේත්‍රවල උසස් තත්ත්වයේ “එක් තීරයක් එක් මාවතක්” සහ ප්‍රායෝගික සහයෝගීතාව පුළුල් කිරීමට ඉදිරි සංචාරය හරහා ශ්‍රී ලංකාව සමඟ කටයුතු කිරීමට චීනය සූදානම් – විදේශ අමාත්‍යාංශයේ ප්‍රකාශක ගුඕ ජියාකුන්
මොකක්ද මේ තීරයක් සහ මාවතක්!
China’s Belt and Road – චීනයේ තීරයක් සහ මාවතක් – මහජන චීන සමූහාණ්ඩුව විසින් ආරම්භ කරන ලද උපාය මාර්ගයක් වන අතර එය කලාපීය ඒකාබද්ධතාවය වැඩිදියුණු කිරීම, වෙළඳාම වැඩි කිරීම සහ ආර්ථික වර්ධනය උත්තේජනය කිරීමේ අරමුණින් ගොඩබිම් සහ සමුද්‍රීය ජාල හරහා ආසියාව අප්‍රිකාව සහ යුරෝපය සමඟ සම්බන්ධ කිරීමට උත්සාහ කරයි.
“රබර්-සහල්” මිත්‍රත්වයක්!
මේ අතර ෂැංහයි ජාත්‍යන්තර අධ්‍යයන ආයතනවල දකුණු ආසියානු අධ්‍යයන මධ්‍යස්ථානයේ අධ්‍යක්ෂ ලියු සොන්ගි සදහන් කළේ දිසානායකගේ චීන සංචාරය චීනය සහ ශ්‍රී ලංකාව අතර ස්ථිර “රබර්-සහල්” මිත්‍රත්වයක් පෙන්නුම් කරන බවයි.
මේ අතර සිංහුවා විශ්ව විද්‍යාලයේ ජාතික උපායමාර්ගික ආයතනයේ පර්යේෂණ අංශයේ අධ්‍යක්ෂ කියෑන් ෆෙන්ග් ග්ලෝබල් ටයිම්ස් වෙත පවසා තිබුනේ ශ්‍රි ලංකා ජනාධිපතිවරයා සිය චීන සංචාරය හරහා වැඩි සංවර්ධන අවස්ථා සොයන බවයි.
ඉන්දියාව, චීනය මැද තැලෙන AKD!
ඉන්දියාව සහ චීනය කලාපයේ බලපෑම සඳහා තරඟ කරන බැවින්, වර්ධනය වන භූ දේශපාලනික තරඟකාරිත්වය මධ්‍යයේ AKD රජය පීඩනයට ලක් වනු ඇතැයි බොහෝ දේශපාලන විශ්ලේෂකයින් ගේ අදහසයි.
නවදිල්ලියේ ජවහර්ලාල් නේරු විශ්ව විද්‍යාලයේ චීනය පිළිබඳ අධ්‍යයනයන් පිළිබඳ විශේෂඥයෙකු වන ශ්‍රීකාන්ත් කොන්ඩපල්ලි (Srikanth Kondapalli) පැවසුවේ, ඉන්දියාව උපායමාර්ගික හවුල්කරුවෙකු ලෙස ප්‍රමුඛත්වය දීමට දිසානායක ගත් පියවර ඔවුන්ගේ බෙදාගත් භූගෝලීය සමීපත්වය මගින් බලපා ඇති බවයි. ඉන්දියාව දිගු කලක් ශ්‍රී ලංකාව සමඟ සමීප දේශපාලන, සංස්කෘතික, ආර්ථික සහ මිලිටරි සබඳතා බෙදාගෙන ඇති බවද ඔහු පෙන්වා දෙනවා.
ඔහු තවදුරටත් රටේ 2022 ආර්ථික අර්බුදය ගැන සඳහන් කළේ…
“2022 දී ශ්‍රී ලංකාව බිඳවැටීමෙන් සහ චීනය කොළඹට ඇප ලබා දීමට අපොහොසත් වීමෙන් පසු ඉන්දියාව ලබා දුන් ඩොලර් බිලියන 4 කට ආසන්න (යුරෝ බිලියන 3.8) ක අත්‍යවශ්‍ය ආධාර මගින් බවත්,.චීනයේ ආක්‍රමණශීලී සමුද්‍රීය ක්‍රියාකාරකම් සහ ඉන්දියානු සාගරයේ කොල්ලකාරී ධීවර මෙහෙයුම් ශ්‍රී ලංකාව කෙරෙහි කනස්සල්ල මතු කර ඇති බවත් සදහන් කලා.
“හම්බන්තොට වරාය වසර 99 ක් අහිමි වීම සහ කොළඹ වරාය ව්‍යාපෘතිය චීනයට පැවරීම පිළිබඳ ව්‍යවස්ථා විරෝධී විධිවිධාන ශ්‍රී ලංකාව දුර්වල කර ඇත,” – කොන්ඩපල්ලි
“දිසානායක චීනයට පෙර නොවූ විරූ ඉඩක් ලබා දුන් ඔහුගේ පූර්වගාමීන් විසින් කරන ලද වැරදි නිවැරදි කරමින් සිටින අතර ඉන්දියාව සමඟ සබඳතා නැවත සකස් කරමින් සිටී,” – කොන්ඩපල්ලි
“රේඩාර් සහ සොනොග්‍රැෆි උපකරණවලින් සමන්විත නැව් දැන් ශ්‍රී ලංකා වරායන් වෙත නිතිපතා සංචාරය කරන බැවින් චීන හමුදා පැවැත්ම දිගටම වර්ධනය වනු ඇත,” ඇති බවට හිටපු ඉන්දීය රාජ්‍ය තාන්ත්‍රිකයෙකු වන අනිල් වාද්වා අනතුරු අගවා තිබේ.
කෙසේවෙතත් ස්වාධීන ස්වෛරී රාජ්‍යයක් ලෙස, තමන්ගේම අවශ්‍යතා පවත්වා ගැනීම ශ්‍රී ලංකා රජයට ඉතා වැදගත් බව දේශපාලන විශේෂඥයින් යෝජනා කරන අතර, එය සමබර රාජ්‍ය තාන්ත්‍රික ප්‍රවේශයක් දිගටම කරගෙන යනු ඇතැයි අපේක්ෂා කෙරේ.